ხშირად დასმული შეკითხვები

კომპანიის  რეგისტრაცია შეიძლება ერთი ან ორი დღის ვადაში. ამ ვადაში არ შედის სარეგისტრაციოდ საჭირო დოკუმენტების მომზადების დრო.

ამ მხრივ საქართველოში არ არის არანაირი შეზღუდვა და კომპანიის სრულწლოვანი დამფუძნებელი იმავდროულად შეიძლება იყოს დირექტორიც.

შეზღუდული პასუხისმგებლობის საზოგადოების  საწესდებო კაპიტალის მინიმალური და მაქსიმალური ოდენობა არ არის განსაზღვრული საქართველოს კანონმდებლობით და იგი შეიძლება იყოს ერთი ლარიც კი, რაც ერთ დოლარზე  ნაკლებია. ამასთანავე კომპანიის რეგისტრაციისათვის არ აქვს არანაირი მნიშვნელობა წესდებით გათვალისწინებული საწესდებო კაპიტალის შევსების თარიღს.

კომპანიის დამფუძნებლები შეიძლება იყვნენ როგორც საქარელოში რეგისტრირებული იურიდიული ან ფიზიკური პირები, ასევე ნებისმიერი სხვა ქვეყნის იურიდიული ან ფიზიკური პირები.

დირექტორთა რაოდენობა არ არის კანონმდებლობით შეზღუდული. თუ დირეტორების რაოდენობა იქნება ერთზე მეტი, მაშინ აუცილებელია კომპანიის სადამფუძნებლო დოკუმენტაციის განისაზღვროს წარმომადგენლობითი და ხელმძღვანელობითი უფლებამოსილების განხორციელების საკითხები.

საქართველოში კომპანიის დასარეგისტრირებლად საჭირო  საბუთების ჩამონათვალი დამოკიდებულია დამფუძნებლთა და დირექტორთა რაოდენობაზე, მათ ორგნიზაციულ-სამართლებრივ ფორმაზე, მათი რეგისტრაციის ქვეყანაზე  და სხვა. ამიტომ მათი განსაზღვრა უნდა მოხდეს ყოველ კონკრეტულ შემთხვევაში.

• შეზღუდული პასუხისმგებლობის საზოგადოება – შპს;
• სოლიდარული პასუხისმგებლობის საზოგადოება – სპს;
• კომანდიტური საზოგადოება – კს;
• სააქციო საზოგადოება – სს;
• კოოპერატივი.

ძირითადი განსხვავება გამოწვეულია პარტნიორთა ქონებრივი პასუხისმგებლობის ფარგლებით. კერძოდ, სააქციო საზოგადოების აქციონერთა, კოოპერატივის მეპაიეთა და შპს-ის დამფუძნებელი პარტნიორები თავისი პირადი ქონებით პასუხს არ აგებენ კომპანიის საქმიანობაზე, ხოლო სპს-ის დამფუძნებელი პარტნიორები პასუხს აგენენ მთელი ქონებით,  კომანდიტური საზოგადოების პარტნიორთა ნაწილი -კომანდიტები კომპანიის  ვალდებულებებისთვის პასუხს არ აგებენ, ხოლო კომპლემენტარები კი პირიქით, სრულად აგებენ  პასუხს კომპანიის ვალდებულებებზე

კომერციული ან საცხოვრებელი დანიშნულების უძრავი ქონების შეძენა თავისუფლად შეუძლია როგორც უცხოელ ფიზიკურ, ასევე უცხოურ იურიდიულ პირს. დოკუმენტების ჩამონათვალი ყოველ კონკრეტულ შემთხვევაში განსხვავებულია და ისინი უნდა მომზადდეს ინდივიდუალურად.